පටක රෝපණ අංශය

ඩිම්බකෝෂයෙන් ලබා ගන්නා කිණක පටක මගින් දෛහික කළල සහ ශාක ජනනය වැඩිදියුණු කිරීම.

පොල් දෛහික කළල ජනනය හා පටක රෝපණය සදහා ඇති විභවය අධ්‍යනය කිරීම සදහා නාලස්ථ හා ජෛව රසායනික ක්‍රමවේද යොදා ගැනීම

පොල් ශාකයේ පටක රෝපණය සදහා නව පූර්වක හදුනා ගැනීම

පොල් පටක රෝපණ පර්යේෂණ ඉතිහාසයේ පළමු වරට පොල් ශාකයේ ක්ලෝන නිපදවීම සදහා වඩාත් උචිත නව පුර්වකයක් ලෙස සංසේචනය නොවූ ඩිම්භකෝෂ හදුනා ගැනීම හා ක්ලෝන පැළ ජනනය කිරීම සදහා ක්‍රමවේදයක් හදුනා ගැනීම.

දෙමුහුම් පොල් පැළ නිපදවිම සදහා නුමුහුම් මව් ශාක නිෂ්පාදනයේ ප්‍රධාන සංධිස්ථානයක් සනිටුහන් කරමින් පොල් පටක රෝපණ පර්යේෂණ ඉතිහාසයේ පළමු වරට, පොල් පරාගධානි රෝපණය භාවිතයෙන් නුමුහුම් ශාක නිෂ්පාදනය සදහා ක්‍රමවේදයක් වැඩිදියුණු කිරීම

ජාන ප්ලාස්ම හුවමාරු වැඩසටහන හරහා ඉන්දියාව, අයිවරි කෝස්ට් හා පැපුවා නිව්ගිනියා රටවලින් විදේශීය පොල් ප්‍රභේද 28ක පරිණත කළල ආනයනය කර නාලස්ථව ප්‍රරෝහණය කිරීම හා අනාගත ශාක අභිජනන වැඩසටහන් සදහා එම පැළ ක්ෂේත්‍රයේ ස්ථාපිත කිරීම

ඩිම්භකෝෂ රෝපණයෙන් ලබා ගත් ක්ලෝන පොල් පැළ පර්යේෂණ ක්ෂේත්‍ර 04ක ස්ථාපනය කිරීම හා අණුක තාක්ෂණය භාවිතයෙන් එම ශාකවල ජානමය ස්ථායිතාවය තහවුරු කිරීම

දිගුකාලින පොල් ජානප්ලාස්ම සංරක්ෂණය සදහා පරිනත කළල හා බීජංකුර, ද්‍රව නයිට්‍රජන් තුළ සංරක්ෂණය කිරීමේ ක්‍රමවේදයක් හදුනා ගැනීම

පොල් කලළ රෝපණ තාක්ෂණය වැඩිදියුණු කිරීම හා සහනදායී මිලකට වගාකරුවන් හට රෝපිත දීකිරි පොල් පැළ ලබා දීම.