நூலகம்

தென்னை தொடர்பிலான விஷேடமான உயரிய இலக்கியத் தொகுப்பொன்றினை உருவாக்குவது நூலகத்தின் குறிக்கோளாகும். இது மரபு சார்ந்த மற்றும் மரபு சாராத 8,000 இற்கும் அதிகமான இலக்கியங்களை உள்ளடக்கியுள்ளது. இது துறை சார்ந்ததும், விஷேடமாக அயன மண்டல மற்றும் பிராந்திய இலக்கியங்களை பரந்த அளவில் கொண்டு காணப்படுகிறது. இந்த தொகுப்பில் தனிக் கட்டுரைகள், கையெழுத்து பிரதிகள், ஆய்வறிக்கைகள், தொழினுட்பவியல் அறிக்கைகள், சுற்றறிக்கைகள், காப்புரிமைகள், நியமங்கள் மற்றும் விவரக்குறிப்புக்கள் மற்றும் பதிப்புக்களின் பகுதிகள் அதாவது நாளேட்டு கட்டுரைகள், மாநாட்டில் சமர்ப்பிக்கப்பட்ட தனிக் கட்டுரைகள், புத்தக அத்தியாயங்கள் மற்றும் ஏனையவை உள்ளடங்குகின்றன.

குறிப்பெடுத்தல் நோக்கத்திற்காக அலுவலர்களின் பதிப்புக்களின் விஷேட தொகுப்பொன்று மேலதிகமாக நூலகத்தால் பேணப்படுகிறது. மிகவும் நெகிழ்வுத் தன்மை கொண்ட தேடல் வசதிகளுடனான “அலுவலர்” என்ற தரவுத்தளம் பராமரிக்கப்படுகிறது. இந்த தரவுதளத்தில் நிறுவனத்தினால் வெளியிடப்பட்ட அனைத்து பதிப்புகளினதும் உள்ளடக்கங்கள் குறிப்பெடுத்;தலுக்காக காணப்படுகின்றன

நுண்படத் தொகுப்பில் தென்னை ஆராய்ச்சி நிறுவனத்தின் நாளேடுகள் மற்றும் தென்னை சம்பந்தமான இலக்கிய தொகுப்புக்களின் அதிகளவான கோப்புக்கள் நூலகத்தில் பேணப்படுகின்றன. மூலத்தினை பேணிப் பாதுகாத்தல் பிரதான குறிக்கோளாக காணப்படுகிறது. நுண் படச்சுருளினை வாசிப்பதற்கு நுண் பட வாசிப்பு அச்சிடும் கருவியொன்று உள்ளது. அவசியமான பகுதிகளை பிரதி எடுப்பதற்கான வசதி காணப்படுகிறது.